آخیشدی کونلومون پارلاق اولدوزو
بیر گئجه گوءزومون اوءنوندن ایتدی
باختیم قارا ایکن لاب قارا اولدو
خبرسیز گئدیشی کوءنلومو دیتدی

عیللتین بیلمه دیم بو آیریلیقین
آیریلیب یالقیزا چئویردی منی
دئیه سن یالاندان اولموشدو چیلغین
بلکه ده مجبورن سئویردی منی
 
آمما یوخ باغلییدی کوءنلو سئوگیه
دئیه سن گیزلی بیر درده یانیردی
سئوگیسی یالانسا آخی بس نییه
گوءزلری سئوگیدن چیپجالانیردی

دوغوردان او منی لاپدا سئویردی
دینلیردی دردیمی سوءزومو هر آن
سانکی اوره یینی دردلر دئشیردی
ایستیردی دینله یم دردینی بیر آن

داش اولموش اوره ییم بیلمه دی بونو
ایچینده بوغولدو گیزلی آغلادی
بیر حالدا گیزلتدی دردلری آیدین
دینله یه بیلمه دیم یارا باغلادی

بیر گئجه مکتوبون گوءردوم واراغا
یازمیشدی باغیشلا منی عوذور ایستیرم
اوره ییم دوءزمه دی ویدالاشماغا
خبرسیز گوءزه لیم چیخیب گئدیرم

یئنه ده دئییرم باغیشلا منی
آرخامجا گزیبن منی آراما
طالعین حوکمودور دانلاما منی
آغلاییب دوز باسما دردلی یاراما

خبرسیز آیریلیق نه چتین اولور
او واخدان حسرتی باغریمی ازیر
بولود تک کیشنه ییب قلبیمه دولور
گوءره سن او منسیز هایاندا گزیر

یازیقلار-یازیقلار منه یازیقلار
اولسون گرکدیر من نه اینسانام
اینسانسا اینسانین قدرینی بیلر
بیلمه یه ن اینسانا حارامدی یاشام

اینسانلار-اینسانلار سئویب سئویلین
سئوگیزه سئوگییله سئوگی گوءسترین
بئش گونلوک دونیادیر نیفرتی سیلین
دردلره دوءزمکله سئومک ایسترین

عومور گئدرگیدیر کیمسه یه قالماز
سئوگیلی گونلرین قدرینی بیلین
گرچکدن سئویشن حسرته دولماز
سئوینجیز  سئوگیزدیر اینصافا گلین

ایندی دانلاییرام اوءزوم -اوءزومو
نییه دینله مه دیم من نئجه اره م
ائشیدین دوسلاریم دردلی سوءزومو
ائیله یین سئوگیزه اورکدن کرم

جسدیمی شعریمه تاپشیردیم   قوخوسونو داغیتماق اوچون  

تک سن یوخ قوی دونیا بیلسین من آرتیق اوءلموشم/

جسدم را به شعرم سپردم تا بویش را پخش کند

تو تنهایی نه بذار دنیا بداند من دیگر مرده ام

بهانه گترمه.........                                                     بهانه نیار...................

گئچمیشده یوخلایان خاطیره لری                                   خاطرات خفته در گذشته را بیدار کردم

ایسته دیم اویالدام اوءزووه گه لن                                   خواستم بخودت بیایی

قالدیران اوزوندن غم کدرلری                                          و غم و اندوه  را از چهره ات پاک کنی

ائله من هامانام باخیشیم هامان                                من همانی هستم که دراول آشناییمون بودم ونگاهم همان نگاه است

یوخ سن منی دویا بیلمه دین                                   نه تو مرا نتونستی در ک کنی

سنی آلدادیبلار ائله بیر گومان                                   گمان میکنم تورا اغفال کرده اند

صاف محببتیمی یویا بیلمه دین                                   محببت صاف ساده ی مرا درست تعبیر نکردی

بهانه گتیرمه گئتمک ایستیرسن                              بهانه نیار اگر قصد رفتن داری

دئییل می اوره یین دای مندن دویوب؟                       دلت از من سیر شده مگر اینطور نیست

اوخوماق اولورمو کئفلی گوءزوندن                           از چشمهای مستت همه چی را میشه فهمید

هاردا بیریسینی گوءروبسه اویوب                           در جایی گرفتار یکی شده (نگاهت اینجا حضور ندارد)

بهانه گتیرمه گئدیرسن او یول                            بهانه نیار  اگه میروی مانعت نمیشم آن راه

آچیقدیر هر زامان سنین اوزونه                           باز است هر زمان برویت

ایچینده ساخلاییب سانجیلارا دول                       در درونت نگه دار ودرد بکش

بوشونا یاشلاری سیخما گوءزونه                         الکی اشکهایت را از چشمانت سرازیر نکن

بیلیره م یالوارسام قالان دئییلسن                     میدانم اگر التماست کنم باز نخواهی ماند

گئدیرسن  گئد                                             الان که میری برو

                  یوخ اول                                                         گم شو

                              گوءزلریمدن ایت                                             از چشام دور شو

منیم کی قدریمی بیلن دئییلسن                      تو که ارزش مرا نخواهی فهمید

گئدیرسن                                                 حالا که میروی   

          چوخ اوزمه                                                     اذییتم نده

                       بهانه سیز گئت                                             بی بهانه برو

یوبانما ته له سیر منسیز ایسته یین                معطل نشو  خواسته های بی منت معطلند

یولونو گوءزاه ییر بوردان اوزاقلار                       و در دور دستها انتظار راهت را میکشند

دالغالار آتیلیر دوتسون اته یین                       و امواج برای گرفتن دامنت صف کشیده اند

بللی دیر ایچینده هیجانلار وار                       از هیجان درونت همه چی معلوم است

بهانه گتیرمه گئدیرسن اوزول                      بهانه نیار اگه میروی این رشته عشقمان را ببر

اوءزونده بیلمه دین نه یی سئویرسن              خودت هم ندونستی عاشق چی هستی

بو ساتقین یوللاردا                                       در این راههای بی مروت

                       یان                                                               بسوز

                            اری                                                               ذوب شو

                                 سوزول                                                                 از فیلتر بگذر

بیرده دوءنمه گئری اگر گئدیرسن.                      هرگز به سراغم نیا اگر میروی.         

توپراقدیر وارلیغیم تانریم دئمیشکن

چورویوب دوءنه جک اصلینه بیر گون

قوی گئدسین بو وارلیق ایندی کی گئدیر

روحومو تانرییا باغیشلادیم دون

گئدمه میش سون بیر کز ایستیره م گوءره م

تانرینین جیلوه سین باخیشلاریندا

نازلانما بو قدر یوخسا شیطانین

قوخلانار ویجودو ناخیشلاریندا

ایندی تام هر شئیدن عوصیان واختیدیر/

قالدیرما گوءزومدن گوءز به به لرین/

باخسانا آغلیمی الیمدن آلیر/

جننت غونچه سیدیر گول مه مه لرین

. ترجمه/الان بهتر از هر چیزی وقت معصیت است/ چشمات را ازچشام برندار/ نگاه کن عقلم رو از سرم می پرونه/غنچه جنته پستونکهای گلت

بیر ایلن دیز دیزه یاخین اوتوراق

قوخلاییم گول تنین دریندن درین

قوی ساریم جانینی گوءزلردن ایراق

حایات نشئه سیدیر گول مه مه لرین