کیمسه یوخ ...

گه ل یاشامی اوورلایاق

و ایکی گوءروش آراسیندا پایلاشاق.

هایقیرسام  دونیایا داشار سیغیشماز 

سیغینیب اوره کده یاتان سئوگیلیم

اوره ییم انگین می؟ یوخسا سئوگیلیم کیچیلدی می قارشیسیندا؟

• ساریلیر جانیما آغیر بیر حسرت               
• گونشیمدن ایراق ییخاجاق منی
• دوغولور ظولمتین ایچینده ظولمت
• دئیه سن گئجه لیک بوغاجاق منی

• قاپانیب اوزومه بوتون قاپیلار
• قاپانیب  حایاتین شادلیغی شنی
• قاباریر ایچیمده یئنی دویغولار
• دئیه سن تانریدا اونودوب منی

• یوخ او تانریدیر هر شئیی بیلیر
• اولوب اولماماقدا باغلیدیر اونا
• بیلمیره م ندنسه اوزومه گولمور
• منیم کی اوره ییم داغلیدیر اونا

• قارا دوغرامادیم من کی تانرییا
• تالعیم ندنسه منیم قارالیر
• نقدر دوزورم آجی آغرییا
• گونو گوندن آرتیق دونیام دارالیر

• منه کیم دوغرادی قارا گونلری
• گوءره سن تانرییا اعتیراض وارمی؟
• عومرومدن چوءزمه یه بو دویونلری
• تانردان باشقا بیر تانریدا وارمی